відэагульні
Skybound Games завяршыла серыю гульняў The Walking Dead
Серыял і коміксы засталіся
26 сакавіка студыя Skybound Games завяршыла серыю эпізадычнай прыгодніцкай гульні The Walking Dead, выпусціўшы апошні эпізод фінальнага сезона. Гульня заснавана на аднайменнай серыі коміксаў Роберта Кіркмана і выходзіла ў steam з 24 красавіка 2012 года. Гісторыя выжывання Клемянціны ў зомбі-апакаліпсісе, за якой сем гадоў сачылі гульцы, падышла да канца.
Афіша апошняга сезона The Walking Dead
Раней гульню выпускала кампанія Telltale Games (таксама выпусціла The Wolf Among Us), але ў верасні 2018 года яна абвясціла аб банкруцтве і пакінула вісець у паветры пытанне аб сканчэнні серыі. Праз месяц кампанія Роберта Кіркмана Skybound Entertainment аб'явіла, што выкупіла правы на гульню і выпусціць апошнія два эпізоды.
У адрозненне ад іншых гульняў пра зомбі, гульцы ў The Walking Dead не павінны бяздумна вынішчаць мерцвякоў. Праекты Telltale Games гэта – інтэрактыўныя гісторыі, дзе гульцы ўплываюць на сюжэт сваім выбарам: ад іх залежаць стасункі з іншымі персанажамі і канцоўка. Каб прасунуцца па сюжэце, трэба ўзаемадзейнічаць з аб'ектамі, размаўляць і прымаць рашэнні, часам – за некалькі секунд.
У адрозненне ад іншых гульняў пра зомбі, гульцы ў The Walking Dead не павінны бяздумна вынішчаць мерцвякоў. Праекты Telltale Games гэта – інтэрактыўныя гісторыі, дзе гульцы ўплываюць на сюжэт сваім выбарам: ад іх залежаць стасункі з іншымі персанажамі і канцоўка. Каб прасунуцца па сюжэце, трэба ўзаемадзейнічаць з аб'ектамі, размаўляць і прымаць рашэнні, часам – за некалькі секунд.
Скрыншот праходжання першага эпізоду чацвёртага сезона
Набыць серыю на PC цяпер можна толькі ў Epic Games Store, бо са зменай распрацоўшчыка змянілася і пляцоўка для дыстрыбуцыі. Нагадаем, раней гульня прадавалася ў steam.
23:50 / 28 лютага 2019 / Воля Капітонава